Құрметті ел ағалары мен қазыналы қарттар!

Құрметті ел ағалары мен қазыналы қарттар!
Ақ жаулықты әжелер!
Сіздерді 1 қазан – Халықаралық қарттар күнімен шын жүректен құттықтаймын! Бұл – мейірім мен ізгілік мерекесі. Қазақ халқы ежелден-ақ қазыналы қарттарын құрметтеп, сөздерін үлгі еткен.
Ел президенті Қасым-Жомарт Тоқаев өз Жолдауында «Әділетті Қазақстан және Адал азамат ұғымдары егіз құндылық ретінде әрдайым қатар жүруге тиіс» деген болатын.  Бұл ретте Сіздер де Әділетті Қазақстанды орнатуға үлес қосып келесіздер. Аға буын өкілдері ұрпақты игі іске бастап, елге еңбек етіп келеді. 
Мемлекетіміз қарияларымызға деген әлеуметтік қолдау деңгейін кезең-кезеңімен арттырып келеді. Жыл сайын қариялар облыстық бюджет есебінен демалыс орындарында демалып, денсаулығын түзейді. Облыста қолға алынған «Қамқорлық» акциясы шеңберінде де ардагерлерге қолдау көрсетілуде.
Ардагерлерімізді ардақтау – біздің парасатты парызымыз. Осы ретте, Арыс, Кентау, Түркістан қалалары мен Жетісай, Мақтаарал, Ордабасы, Отырар, Келес, Сарыағаш, Сауран, Созақ, Түлкібас, Шардара аудандарында ардагерлерімізге арналған «Белсенді ұзақ өмір сүру» орталықтары ашылды. Бұл бағытта жұмыс жалғасады.
Қадірменді қариялар!
Біз үшін сіздердің ақылдарыңыз – құнды қазына! Түркістан өңірінің дамуына үлес қосып, жастарға ақыл-кеңес беріп жүре беріңіздер! Сіздерге және отбасыларыңызға зор денсаулық, ұзақ ғұмыр тілеймін! Мереке құтты болсын!

• 04.10.2023
• 190