Сайрам ауданының әлеуеті жоғары

Сайрам ауданына жұмыс сапары барысында кәсіпорындар мен өндіріс орындарының жұмысымен таныстым. 
Еліміздегі мол көлемде банан өндіретін алғашқы кәсіпорын Сайрам ауданында орналасқан. Кәсіпорын басшысы алдағы уақытта манго, авокадо сынды жеміс түрлерін өндіруді қолға алмақ. Бұдан басқа Қасымбек Датқа елді мекенінде лимон өсіру кәсібі қолға алынған. Бұл лимонарии облыс аумағындағы ең үлкен жылыжай.    
Егістікті әртараптандыру, баланс ұстау аса маңызды. Біз жыл сайын тек бір дақылдарды екпеуіміз керек. Нарыққа назар аударып, жоғары сұранысқа ие дүниелерді бақылаған жөн. Өзімізді барлық қажетті өнімдермен қамтамасыз ету және сол арқылы бағаны тұрақтандыру үшін аймақтың азық-түлік қауіпсіздігі саласына барынша қамқорлық таныту қажет.
Ауданға сапар барысында мұнай өнімдерін өңдеу зауытына бардым. Зауытта сұйытылған көмрсутек газы, бензин еріткіші, көмірсутек еріткіші, уайт-спирит, автокөлік бензины, техникалық керосин, дизель отыны, қазандық отындары өндіріледі.
Құрама жем шығаратын зауыттың  жұмысымен де таныстым. Зауыт өнімін ішкі нарыққа және Өзбекстанға экспортталуда. 
Кәсіпорындар санын арттыру мақсатында Сайрамда индустриалды аймақ салуды көздеп отырмыз.

• 04.10.2023
• 199