Шетелдік банктер өз филиалдарын «бір өтініш» қағидатымен аша алады

Құрметті қазақстандықтар! 2 қаңтарда Мемлекет басшысы экономикалық өсуді қалпына келтіруге қатысты заңға қол қойды. Ол құжатқа сәйкес шетелдік банктер, сақтандыру ұйымдары және брокерлер еліміздің аумағында өз филиалдарын аша алады.  Мұны «бір өтініш» қағидатымен істеуге болады.

Агенттік бейрезидент-банктердің филиалдарын ашу тәртібін әзірледі, оларға өз елінде ашылған кезде де қойылатын реттеу талаптары қолданылатынын атап өтемін.

Бір ғана өтінішті беру арқылы шетелдік банк бірден бірнеше мемлекеттік қызметті ала алады: филиалды ашуға рұқсат, банк операцияларын жүргізуге лицензия, басшы қызметкерлерін тағайындауға және сайлауға келісім алу, сондай-ақ есептік тіркеуден өту.

Тағы бір маңызды талап: Қазақстанның екінші деңгейдегі банктерімен және сақтандыру ұйымдарымен қатар шетелдік қаржы ұйымдарының филиалдары депозиттерге және сақтандыру төлемдеріне міндетті кепілдік беру жүйелерінің қатысушылары болуға тиіс.

Шетелдік қаржы ұйымдары филиалдарының ашылуы ішкі қаржы нарығында тең жағдайдағы бәсекелестікті, жаңа қаржы технологиялары мен қызметтерінің трансфертіне дайын ірі көлемде капиталдандырылған ұйымдардың келуін қамтамасыз етеді, сондай-ақ тұтынушылар құқықтарының қорғалуын сақтайды және қаржы жүйесінің тұрақтылығына қолдау көрсетеді.

• 06.01.2021
• 405