Нысанбаев Е.Н.
ҚР Экология және табиғи ресурстар министрі
Қазақстан Республикасының Экология және табиғи ресурстар министрі Е. Нысанбаевтың Өзбекстан Республикасының Қазақстан Республикасындағы Төтенше және Өкілетті Елшісі С. Ниязходжаевпен кездесуі
А.ж. 5 қазанында Өзбекстан Республикасының Қазақстан Республикасындағы Төтенше және Өкілетті Елшісі С.Ниязходжаевпен кездестім.
Кездесу барысында Қазақстан Республикасы мен Өзбекстан Республикасы арасындағы қоршаған ортаны қорғау саласындағы қалыптасқан ынтымақтастықты оң атап өттім.
2022 жылғы желтоқсанда қол қойылған Экология және қоршаған ортаны қорғау саласындағы ынтымақтастық туралы үкіметаралық келісім атап өтілді. Қазіргі уақытта Экология министрлігі осы Келісімнің күшіне енуі үшін оны ратификациялау бойынша мемлекетішілік рәсімдерді жүргізуде.
Орман шаруашылығы саласындағы қарқынды дамып келе жатқан өзара іс-қимылға егжей-тегжейлі тоқталды.
Сондай-ақ, 2022 жылғы желтоқсанда Өзбекстан Республикасының Орман шаруашылығы жөніндегі мемлекеттік комитетімен орман шаруашылығы саласындағы өзара түсіністік туралы Меморандумға қол қойылды. Меморандумда келесі бағыттар бойынша ынтымақтастық қарастырылған:
- құрғақшылықпен, шөлейттенумен және топырақ эрозиясымен күресу, бар ормандарды сақтау және қалпына келтіру;
- Арал теңізінің құрғаған түбін фитоорманмелиоративтік игеру бойынша бірлескен жұмыстар жүргізу;
- шөлді аймақта орман мелиорациялық жұмыстарды ұйымдастыру жөніндегі өңірлік ғылыми-оқу және зерттеу орталығын құру туралы ережені бірлесіп әзірлеу;
- биоалуантүрлілікті, экотуризмді дамытуды тұрақты басқару (Қазақстан тәжірибесі);
-орман қорында сәндік өсімдіктерді ғылыми негізделген өсіруді, жаңғақ-жеміс ағаштарын, жеміс өсімдіктерін отырғызуды және инновациялық технологияларды әзірлеуді және енгізуді ұйымдастыру.
Ағымдағы жылдың тамыз айында Өзбекстан Республикасы Экология, қоршаған ортаны қорғау және климаттың өзгеруі министрлігінің өкілдері ғылыми зерттеулер саласында тәжірибе алмасу мақсатында Қазақстанға келген. Сапар аясында Өзбекстан делегациясы үшін Астана ботаникалық бағының жылыжай кешеніне, «Дамса» және «Ақ қайын» питомниктеріне және республикалық орман селекциялық-тұқым өсіру орталығына бару ұйымдастырылды.
Кездесу соңында Қазақстан Республикасы мен Өзбекстан Республикасы арасындағы Қоршаған ортаны қорғау саласындағы ынтымақтастық бағытын қолдау туралы айтты.
- 06.10.2023
- 212
