Түркістан мен Шуша қалалары арасында байланыс нығайды

Түркістан облысында «Шуша қаласының күндері» іс-шарасы аясында Әзербайжан Республикасынан келген делегациямен кездестім. Кездесуде Түркістан мен Әзербайжан мемлекеті, сонымен бірге Шуша қаласымен екіжақты қарым-қатынастарды нығайту барысын қозғадық. Былтыр Қазақстан Президенті Қасым-Жомарт Тоқаевтың Бакуға ресми сапары аясында екі елдің Президенттері Түркістан мен Шуша қалалары арасында бауырлас қарым-қатынастарды орнату туралы хаттамаға қол қойған болатын. Осы бағытта жұмыстар атқарылып келеді. 
Бүгінде өңірде Түркістан облыстық «Гарабах» этномәдени бірлестігі жұмыс істейді.  Облыста әзербайжан этносының тілі, мәдениеті мен дәстүрі күніне арналған іс-шараларын өткізу дәстүрге айналдырған. Соңғы жылдары Қазақстан мен Әзербайжан арасындағы мәдени, экономикалық, саяси қарым-қатынастар жылдан жылға тамырын терең жаюда. Бүгінде Түркістан өңірінің әлеуеті жоғары, инвесторларға толық қолдау көрсетілуде. Әзербайжан компанияларын да инвестиция салуға, бірлесе жұмыс істеуге шақырдым. Биыл Шуша қаласында Түркістанның салт-дәстүрлері мен қолөнер бұйымдарын таныстырлды. Шушаның Түркі әлемінің мәдени астанасы болып жариялануына арналған іс-шарада Түркістан облысының әртістері өнер көрсетті. Осы үрдіс жалғасып, қос елдің арасындағы татулық, экономикалық және рухани-мәдени байланыстар нығая береді деп сенемін.

• 07.10.2023
• 184