Enactus Buketov University командасы ел намысын Enactus 2023 әлемдік кубогында қорғайды

ҚР Ғылым және жоғары білім министрі Саясат Нұрбектің Enactus Kazakhstan президенті және Enactus Buketov University командасымен кездесуі өтті.

Кездесу Enactus 2023 әлемдік кубогында ұсынылатын инновациялық жобаларды талқылауға арналды.

Enactus Buketov University командасы Саясат Нұрбекке Қазақстандағы әлеуметтік және экологиялық проблемаларды шешуге, тұрмыстық қалдықтарды (пластик, шыны, тоқыма) қайта өңдеуге және халықтың әлеуметтік осал топтарын тарту арқылы ағаш паллеттерден жиһаз жасауға бағытталған өз жобаларын ұсынды. Аталған жобалар халықтың өмір сүру сапасын жақсартады, сонымен қатар әлемдік қоғамдастықтың назарын аймақтың маңызды мәселелеріне аударады.

Министр команда мүшелеріне құнды білімдерімен, кеңестерімен бөлісіп, әрдайым қолдауға дайын екендігін жеткізді. Сондай-ақ командаға Қазақстан Республикасының намысын қорғайтын Enactus 2023 әлемдік кубогында табыс тіледі.

• 10.10.2023
• 159