Жаңа Экологиялық кодекс

Мемлекет басшысы Қазақстан Республикасының жаңа Экологиялық кодексіне қол қойды. Бұл стратегиялық құжатты дайындаумен Экология, геология және табиғи ресурстар министрлігі, қоғам өкілдері мен депутаттық корпус айналысты.Кодекс осы азаматтардың тынбай атқарған үйлесімді жұмысының арқасында барлық заманауи талаптарға жауап беретін,ел экологиясын жақсартатын тиімді нормалар жиынтығын қамтитын құжат болып шықты.Эко-кодекстің қабылдануымен Қазақстан тұрақты және берік экологиялық рельске түседі.Жаңа 2021 жылы министрлік Кодекс ережелерін жүзеге асыру үшін 150-ге тарта нормативік-құқықтық актілерді әзірлеп, іске қосуы тиіс. Елдің технологиялық алыптарының кешенді аудитін жалғастыру қажет.Сонымен қатар, ең озық қолжетімді технологиялардың анықтамалықтарын дайындау жұмысы да жалғасады. Кодекс 2021 жылы 1 шілдеде күшіне енеді.Еліміз үшін аса маңызды құжатты - Экологиялық кодексті әзірлеуге қатысқан барлық әріптестерге үлкен алғыс білдіремін.

• 08.01.2021
• 312