Түркістанды дамыту бойынша инвесторлармен кездестім

Түркістан өңіріне инвесторларды тарту жұмыстары жалғасуда. Бүгін Өзбекстаннан келген инвесторлармен кездесіп, бірнеше жобаны жан-жақты талқыладық. Өзбекстандық инвесторлар өңірде керамикалық өнімдер мен шыны шығаратын зауыт ашуға ниет білдірді. Өндіріске қажетті шикізат жергілікті жерден алынады. Зауыт замануи технологиямен жабдықталады. Өндіріс шығынсыз, экологиялық таза және халықаралық сапа стандарттарына сай өнім шығарады. Бұл зауыт Түркістан өңіріндегі құрылыс алаңдарында қолданылатын отандық өнімдердің үлесін арттырмақ. Бұдан бөлек, 700-ге жуық тұрақты жұмыс орны ашылады деп жоспарлануда.

Бұл жобалар өте маңызды. Мемлекет басшысының тапсырмасымен инвесторларға мемлекет тарапынан жан-жақты қолдау көрсетіліп, қолайлы жағдай жасалады. Жобаларды іске асыруға арналған инфрақұрылым бойынша сұраныстарыңызды толық орындаймыз. Арнайы экономикалық аймақтан жер, инфрақұрылым ұсынамыз. Қазақстан-Өзбекстан ынтымақтастығының Түркістан облысының дамуында ерекше маңызы бар екенін атап өткім келеді. Түркістан – қасиетті шаһар. Қасиетті қалада айтылған уәделер, сөздер орындалуы керек. Әріптестігіміз нығайып, жобалар жүзеге асады деп сенемін.

• 13.10.2023
• 211