Түркістанда Қазақстан мен Чехия іскерлерінің бизнес-форумы өтті

Түркістанда Қазақстан мен Чехияның мемлекеттік органдары, ұлттық компаниялары мен іскер топтары өкілдерінің және Қазақстанның бизнес саласының азаматтарының қатысуымен Чех-Қазақстан бизнес-форумы өтті.

Біз чехиялықтардың ауыл шаруашылығында, оның ішінде мал шаруашылығында, ғылыми-техникалық салада тәжірибе алмасу жөніндегі бастамаларын құптаймыз. Өңірде ауыл шаруашылығы саласын дамытуға мүмкіндік мол. Түркістан облысының құрылуы және Түркістан қаласына облыс орталығы мәртебесінің берілуі өңірге инвестициялар тартуға серпін берді. Бүгінгі келіссөздерден кейін Чехия мен Түркістан облысы арасында тауар айналымы көлемі артып, жаңа жобалар жүзеге асады деп сенемін. Облыста жеміс-көкөніс өнімдерін өңдеу, ет және сүт өнімдерін өндіру, тоқыма өнеркәсібін дамыту, былғары өндіру және өзге де салаларға инвестиция салудың тиімділігі зор.

Бизнес-форумда өңірдің инвестициялық мүмкіндіктері мен туристік әлеуеті туралы таныстырылды. Чехия өкілдері де Чехияның өндірістік мүмкіндіктеріне тоқталды. Форум барысында инвестиция салу, ауыл шаруашылығы, тоқыма саласы, тамақ өнеркәсібі және өзге де салалар бойынша В2В форматында кездесулер өтті.

Форум алдында ресми сапармен келген делегация жетекшілерімен кездесіп, екіжақты ынтымақтастықты нығайту жайын талқылаған болатынбыз. Чехиялықтар ауыл шаруашылығы, оның ішінде қой шаруашылығы, өнеркәсіп, білім мен ғылым салалары бойынша әріптестік орнатуға, қолдау көрсетуге дайын екендерін жеткізді. Оларды туризм, ауыл шаруашылығы және өнеркәсіп саласында инвестиция салуға шақырдым. Біз осы салаларға басымдық беріп отырмыз.

• 13.10.2023
• 183