Түркістандық құтқарушыларға өрт сөндіру көліктері тапсырылды

Түркістан облысының төтенше жағдайлар департаментінің материалдық-техникалық базасы 26 өрт сөндіру автокөлігімен толықты. Жаңа өрт сөндіру көліктері Көкшетаудағы зауыттан арнайы тапсырыспен әкелінген. Заманауи құрал-жабдықтармен толық қамтылған. Бұл көліктердің артықшылығы – 400 метр қашықтықтан өрт сөндіру техникаларына су жеткізе алады және спутниктік байланыс жүйесіне қосылған. Бұдан бөлек, өрт сөндірушілер мен құтқарушыларға қажетті киімдер мен заманауи құрылғылар тапсырылды.

Бұл қызметтегі азаматтардың әр күні қауіпке толы. Соған қарамастан, осы жолды таңдап, адал қызмет етіп келе жатқан қызметкерлерге алғысымды білдіремін. Мемлекеттік өртке қарсы қызмет өкілдері төтенше жағдайларды жою және олардың алдын алу бағытындағы міндеттерді абыроймен атқарып келеді. Бұл ретте мемлекет тарапынан олардың материалдық-техникалық жарақтануын қамтамасыз ету бағытында жұмыс атқарылуда. Алдағы уақытта тек өрт сөндіру бөлімшелерінің ғана емес кәсіби құтқару қызметінің де жұмыс жағдайын жақсартуға, қажетті заманауи техникамен қамтамасыз етуге арналған жұмыстар жүргізіледі.

• 13.10.2023
• 234