Қарағойшин Р. Т.
«Бәйтерек» ҰБХ» АҚ Басқарма төрағасы
«Бәйтерек» холдингі қазақстандық жобаларды қолдау үшін инвесторларды шоғырландырады
Қайырлы күн, жолдастар! Сіздермен жақсы жаңалықпен бөліспекшімін. Ірі жобаларды қолдау үшін және шетелден инвесторлар тарту үшін біз синдикатталған кредит беруді белсенді түрде іске асырудамыз. Бұл инвесторлар үшін де, жақсы жобалары бар кәсіпкерлер үшін де өте ыңғайлы.
Банктер ұзақ мерзімді жобаларға кредит беруге ұмтылмайтыны құпия емес. Оның түрлі себептері бар. Бірақ синдикатталған кредит арқылы жағдай өзгеруі мүмкін. Қажетті заңнамалық нормалар қабылданды және кредиттің осы түрінің дамуына кедергі жоқ.
Синдикатталған кредит – бұл бір қарыз алушыға бірнеше банк берген кредит. Яғни, белгілі бір банк ірі көлемде кредит беру үшін басқа кредиттік ұйымдарды тартады. Банктер синдикатқа біріктіріледі, оның басында ұйымдастырушы (агент банк) тұрады. Ол арқылы барлық қатысушылардың қаражаты жинақталады. Қарыз алушы агент банктен қажетті соманы алады және одан әрі онымен өзара әрекет етеді. Біздің жағдайда «оркестрге» «Бәйтерек» холдингінің еншілес ұйымы – Қазақстанның Даму Банкі дирижерлік ететін болады.
Осылайша, көптеген қазақстандық жобалар қаржыландыруға ие болып, экономикамыздың дамуы үшін жұмыс істейтініне сенеміз. Осы қаржылық ноу-хау туралы толығырақ төмендегі сілтемеден оқи аласыз.
- 11.01.2021
- 576
