Агенттікте мемлекеттік аппаратты бюрократиядан арылту және мемлекеттік қызмет көрсету сапасын арттыру мәселелері талқыланды

2023 жылғы 17 қазанда Мемлекеттік қызмет істері агенттігінің төрағасы Дархан Жазықбайдың төрағалығымен сервистік мемлекеттік аппаратты қалыптастыру және оның қызметін бюрократиядан арылту мәселелері жөніндегі Консультативтік-сараптамалық топтың отырысы өтті.

Отырысқа Консультативтік-сараптамалық топтың мүшелері О.Х. Құспеков, О.А. Құдайбергенов, Қ.К. Қадырбеков, Е.Л. Үстеміров, Б.А. Мұхаметқалиев, Д.Н.Смағұлов, Ә.Н.Тұрысов бейнеконференцбайланыс арқылы орталық мемлекеттік және жергілікті атқарушы органдар, «Азаматтарға арналған үкімет» мемлекеттік корпорациясы» КЕАҚ және  «ҰАТ» АҚ өкілдері қатысты.

Күн тәртібінде мемлекеттік аппарат қызметін бюрократиядан арылту бойынша жүргізілген талдау нәтижесімен әзірленген және мемлекеттік қызметтер көрсету процестерін жетілдіру жөніндегі ұсынымдардың орындалуы қаралды.

Агенттік төрағасы Дархан Жазықбай сервистік мемлекеттік аппараты қалыптастыруда мемлекет пен қоғамның белсенді өзара іс-қимылы аса маңызды болып табылатынын атап өтті.

Жалпы, мемлекеттік аппарат қызметін бюрократиядан арылту бойынша жүргізілген талдау мен мониторинг аясында 373 ұсыныс (1 жұмыс циклі бойынша 183 ұсыныс, 2 жұмыс циклі бойынша 190 ұсыныс) әзірленді.

Мысалы, ұсыныстарды орындау бойынша пысықтау барысында орталық мемлекеттік органдар облыстардың, республикалық маңызы бар қалалардың, астананың атқарушы органдары басшыларының қолымен мемлекеттік органдармен хат-хабарларды қабылдаудан бас тартуға жол бермеу жөнінде шаралар қабылданды.

Ағымдағы жылдың басынан бастап мемлекеттік органдармен мемлекеттік қызмет көрсету процестерін жетілдіру бойынша 250 ұсыныс әзірленді.

Нәтижесінде НҚА-дағы қайшылықтарды жою бойынша 33 түзету енгізілді, «электрондық үкімет» порталында 17 мемлекеттік қызметтің қолжетімділігі қамтамасыз етілді, ақпараттық жүйелердің 11 функционалы пысықталып, олардың интеграциясы жүргізілді, мемлекеттік көрсетілетін қызметтер тізіліміне 4 жасырын қызмет енгізілді.

Отырыс барысында Консультативтік-сараптамалық топ мүшелері орталық мемлекеттік және жергілікті атқарушы органдарға, «Азаматтарға арналған үкімет» мемлекеттік корпорациясы» КЕАҚ-не мемлекеттік аппарат қызметін бюрократиядан арылту және мемлекеттік қызметтер көрсету сапасын арттыру жөніндегі ұсынымдарды орындау жөнінде шаралар қабылдауды ұсынды.

• 17.10.2023
• 174