Түркістан облысына ҚР Премьер-Министрі Әлихан Смайылов жұмыс сапарымен келді

Түркістан облысына ҚР Премьер-Министрі Әлихан Смайылов жұмыс сапарымен келіп, өңірдегі жаңа өнеркәсіптік парк пен заманауи көпбейінді аурухана құрылысының барысымен және өңірде өндірілетін жиһаз өнімдерінің үлгілерімен танысты. Сонымен қатар үкіметтік делегацияға Түркістан облысында жүзеге асатын жобалар мен ірі инвестициялық жобалардың іске асырылуы туралы баяндадық.  Айта кетейік, облыста химия кешені, бу-газ қондырғысы, мұнай өңдеу зауыты, газ электр стансасы, күкірт қышқылын өндіру зауыты, өнеркәсіптік жылыжай, мал бордақылау алаңы және басқа да нысандарды іске асыру қолға алынған. «Түркістан» ӘКК» АҚ өнеркәсіптік паркін жыл соңына дейін аяқтау жоспарланып отыр. Ал, заманауи көпбейінді облыстық аурухананы пайдалануға беру келесі жылдың желтоқсан айына көзделуде. 
Түркістан облысына жұмыс сапары барысында Премьер-Министр Кентау қаласының ЖЭО-дағы жылыту маусымына дайындық жұмыстарының барысымен де танысты. Қазіргі таңда мұндағы 6 қазандыққа соңғы 10 жылда бірінші рет күрделі жөндеу жұмыстары жүргізіліп жатыр. Атқарылып жатқан жұмыстардың уақытылы әрі сапалы орындалуы қатаң бақылауда. 
Әлихан Смайылов бірқатар тапсырмалар жүктеп, жұмыстарды сапалы орындауды тапсырды.

• 20.10.2023
• 212