«Арманда» білім беру форумының жетекшілерімен кездестім

 «Арманда» республикалық форумын өткізу үшін Түркістан өңіріне келген белгілі медиаменеджер Арман Давлетяров пен қоғам белсендісі, танымал журналист Ләйлә Сұлтанқызымен кездестім. Түркістан төрінде өткен отбасы құндылығын дәріптеу, бала тәрбиесі мен тұлғалық даму мәселелері талқыланған шараның жетекшілері жаңа бастаманың басты мақсаттарымен бөлісті. Бизнес-форум аясында танымал қазақстандық сарапшылар ұлттық құндылықтар туралы өз ойларын ортаға салып, баға жетпес тәжірибелерімен бөлісті. Бастамаға сәттілік тіледі.

Түркістан туризм орталығына айналып келеді. 5 жылда үлкен өзгерістер болды. Түркістанға халық тек зиярат етуге ғана емес, кемінде бірнеше күн қасиетті өңірдің кереметтерін тамашалауға талпынатындай жағдай жасалады. Солардың бірі ретінде экотуризм, медициналық туризм секілді басқа да бағыттарды дамыту арқылы ауқымды жоспарды жүзеге асыруға күш салынып жатыр. Жалпы, тұрғындарға, жастарға жалын, жігер беретін кездесулердің маңызы зор. Кәсіпке, шығармашылыққа, еңбекке баулу, жол көрсету, қолдау – міндетіміз.

• 20.10.2023
• 185