ҚМА жобалық кеңсесі орталық мемлекеттік органдар арасында үздік деп танылды

Бұл туралы "Qazaqstan Project Management Awards"жобалық менеджмент саласындағы жыл сайынғы ұлттық конкурстың нәтижелерін жариялау барысында белгілі болды.

Қазылар алқасының мүшелері жобалық менеджментті дамыту агенттігінің, оның ішінде қызметкерлерді жобалық басқаруға оқыту, жобаларды сүйемелдеу және мемлекеттік органдармен өзара іс-қимыл бойынша жүргізіліп жатқан жүйелі жұмысын атап өтті.

Айта кетейік, бүгінде ҚМА менеджмент саласында 134 сертификатталған қызметкер бар, олар Президент жанындағы Мемлекеттік басқару академиясында оқудан өткен.

Бұдан басқа, Агенттік қызметінің ерекшелігіне бейімделген жобалық менеджмент бойынша жеке оқыту курсы және экономикалық және қаржылық құқық бұзушылықтарға қарсы іс-қимыл бойынша бірінші кезектегі міндеттерге бағдарланған 10 жоба әзірленді.

Анықтама: байқауды ҚР цифрлық даму, инновациялар және аэроғарыш өнеркәсібі министрлігі, "Цифрлық үкіметті қолдау орталығы"ұйымдастырды.

Конкурстың негізгі мақсаты-өз қызметінде жобалық менеджменттің әдістері мен құралдарын белсенді енгізетін және қолданатын мемлекеттік органдар мен өзге де ұйымдарды қолдау.

• 20.10.2023
• 198