Түркі мемлекеттері ұйымының Бас прокурорлар кеңесіне қатысу туралы

Түркия Республикасының астанасы Анкара қаласында Түркі мемлекеттері ұйымының «Халықаралық құқықтық көмек саласындағы елдердің құқықтық нормалары мен тәжірибесі, сын-тегеуріндері мен шешімдері тақырыбындағы Бас прокурорлар кеңесіне қатыстым. 
Кеңестің негізгі мақсаты - бейбітшілік пен тұрақтылықты нығайту, ынтымақтастық пен өзара қарым-қатынас мәселелерін кеңейту, сондай-ақ Ұйымға мүше-мемлекеттердің әлеуетін дамыту болып табылады.
Шетелдік әріптестірмен қылмыстық-құқықтық саладағы халықаралық ынтымақтастық, активтерді қайтару, трансұлттық ұйымдасқан қылмыспен күрес, сондай-ақ прокуратура қызметіндегі цифрландыруды дамытудағы тәжірибемен бөлістім. 
Кездесу қорытындысы бойынша өңірлік қатерлерге қарсы іс-қимылда күш-жігерді біріктіруге келістік.
Сондай-ақ Түркия Республикасының Әділет министрі Йылмаз Тунч мырзамен және Бас прокуроры Бекир Шахин мырзамен екіжақты кездесулер өткіздік, онда өзара құқықтық көмек көрсетудің өзекті сұрақтары, соның ішінде активтерді қайтару және халықаралық іздеуде жүрген адамдарды экстрадициялау мәселелерін талқыладық.

• 23.10.2023
• 165