Республика күніне орай марапаттау шарасы өтті

25 қазан ұлттық мейрам Республика күніне орай Ядролық физика институтында(ЯФИ) салтанатты марапаттау шарасы өтті. Мерекелік шарада қызметкерлерді бас директор Саябек Сахиев құттықтап, Институттың соңғы жылдағы ғылым, халықаралық қатынастар, өндіріс бағытындағы жетістіктеріне тоқталды.  Сөзінде бас директор ғылыми қызмет бойынша, сондай-ақ кадрларды даярлау саласында ЯФИ  бірқатар  СERN, MIT, I2EN  сынды  7 ірі Халықаралық ұйымдармен  ынтымақтастық шарттарына қол қойылғандығы, литий керамикасын сәулелендіру жұмыстары басталғандығы және археологиялық үлгілерді нейтрондық рентгенография әдісімен зерттеу жүргізіліп жатқанын баян етті. Сонымен қатар 18F, PSMA 99mTc, 177lu секілді радиофармпрераттардың өндіріс технологиялары әзірленіп, 99Mo/99mTc генераторларын Қырғызстан Республикасына тасымалданатынын жеткізді.

Салтанатты шара барысында Республика күніне орай адал еңбегі мен  еліміздің атом саласының дамуына қосқан үлесі үшін 11 қызметкер Құрмет грамотасымен, 7 қызметкер арнайы алғыс хатпен марапатталды. Кәсіподақ ұйымының жұмысына белсенді қатыстқаны үшін 8 қызметкер алғыс хатпен марапатталды.

Іс-шара соңы қызметкерлердің ұйымдастыруындағы мерекелік концерттік бағдарламамен аяқталды.

• 27.10.2023
• 132