АҚЖАЙЫҚТА КӨППӘТЕРЛІ 35 ТҰРҒЫН ҮЙ САЛЫНУДА

Шымкенттегі Ақжайық шағын ауданында 5 қабатты 26 көппәтерлі және 9 қабатты 9 үйдің құрылысы қарқынды жүргізілуде. Бұл аймақтан жоспар бойынша 35  үй салынуы тиіс. 

Қазіргі таңда 58,1 мың шаршы метрді құрайтын 780 пәтерлі нысанның бірінші қабаты қалануда. 

Бүгін қала әкімі Ғабит Сыздықбеков Ақжайыққа барып, тұрғын үй құрылысының жұмыс сапасын көрді. Жауапты мердігер мекеме басшысымен кездесіп, бірқатар мәселелерді талқылады. 

“Тұрғын үйлердің құрылысы 2024 жылы аяқталып, пәтерлер кезекте тұрған азаматтарға мерзімінде тапсырылуы тиіс. Осы жағын бақылауға алыңыздар”,-деді қала әкімі жауапты басқарма басшыларына.

• 30.10.2023
• 140