Қылмыстық процестің үш буынды моделіне көшу туралы

Бүгін Ішкі істер министрі Ерлан Тұрғымбаевпен бірлесіп облыстық прокурорлармен және өңірлердің полиция департаменттерінің басшыларымен қылмыстық процестің үш буынды моделіне көшу мәселесі бойынша бейнеконференцбайланыс бойынша жиналыс өткіздік.

Прокурорлардың сотқа дейінгі тергеу органдарының негізгі шешімдерін келісуі бойынша жұмыстың аралық нәтижелерін, проблемаларды және ұйымдастырушылық мәселелерді талқыладық.

Бүгінгі күнге тергеу мәселелері бойынша азаматтардың шағымдары үш есе азайды, 400-ден астам адамның құқықтарының шектелуіне ден қойылды, заңсыз шешімдердің саны азайды.

Қорытындысы бойынша заңнама талаптарын тиісінше орындамағаны үшін басшылардың жеке жауапкершілігін арттыру туралы шешім қабылданды.

ІІМ-не тергеушілер мен анықтаушыларды материалдық-техникалық жабдықтауды жақсарту ұсынылды.

Сонымен қатар, бірқатар басқа тапсырмалар берілді.

• 15.01.2021
• 360