Шымкентке және Түркістан облысына іс сапар туралы

Қылмыстық қудалау органдарының негізгі шешімдерін прокурорлармен келісу бойынша Қылмыстық процестік заңнамасына енгізілген жаңалықтардың қолданылуын жеке бақылау мақсатында Шымкент қаласына және Түркістан облысына бардым.

Прокурорлар мен полицияның жұмысымен таныстым, олармен өзара іс-қимыл және құқық қолдану практикасы мәселелерін талқыладық. 

Ішкі істер министрінің орынбасары С. Сәрсеновтың, Шымкент қаласының әкімі М. Әйтеновтың, құқық қорғау және арнайы органдардың басшыларының және екі өңірдің прокурорларының қатысуымен қылмысқа қарсы күрес және құқық бұзушылықтың алдын алу, сондай-ақ бизнесті қорғау тақырыбында кеңес өткіздім.

Әріптестеріме прокурорлық қадағалауды күшейтуді және азаматтардың құқықтарын уақтылы қорғауды қамтамасыз етуді, олардың қылмыстық процесс шеңберіне негізсіз тартылуын болдырмауды тапсырдым.

• 18.01.2021
• 368