Қазақстандық азық-түлік өнеркәсібі мен АӨК кәсіпорындары өз өнімдерін Қытай ЭКСПО-сында таныстырды
Шанхайдағы 6-шы Қытай халықаралық импорттық көрмесінде (CIIE) 2023 жылғы 5 қарашада Қазақстандық павильон ашылды, онда отандық кәсіпорындар азық-түлік саласы мен АӨК өнімдерін ұсынды.
«АӨК-тен инновацияға дейін» атты «Бір белдеу - Бір жол» бастамасы аясында қазақстандық стендтің тұсаукесеріне Қазақстанның Премьер-Министрі Әлихан Смайылов, ҚР Сауда және интеграция министрі Арман Шакқалиев және экспортқа бағдарланған компаниялардың өкілдері қатысты.
«Азық-түлік және ауыл шаруашылығы өнеркәсібі» секторындағы коммерциялық павильонның стендінде қазақстандық кәсіпорындар өз өнімдерін 30 атау бойынша ұсынды. Олардың ішінде макарон және кондитерлік өнімдер, өсімдік майлары, бал, алкогольді және алкогольсіз сусындар, сүт өнімдері, соның ішінде құрғақ түйе мен бие сүті, тұз, сондай-ақ ауыл шаруашылығы жануарларына арналған аралас қоспалар бар.
Қытайлық тұтынушыдан ең көп сұранысқа ие тауарлардың тізіміне дәнді дақылдар, май өнімдері, сондай-ақ өнеркәсіптік тауарлар кіреді, мал шаруашылығы өнімдеріне үлкен сұраныс бар. Қазақстандық брендтердің азық-түлік өнімдерінің танымалдығы өндірістің экологиялылығымен және жоғары сапасымен түсіндіріуде.
«Қазақстандық өнімнің сапасы жоғары сұраныспен ғана емес, сонымен қатар халықаралық көрмелерде алған көптеген наградалармен де расталуда. Қазақстандағы экологиялық өндірісті заманауи техникалық база, әлемдік стандарттарға сәйкес келетін жоғары сапалы шикізат қолдайды», - деп атап өтті ЭКСПО-дағы коммерциялық стендтің ашылуында Арман Шаққалиев.
Биылғы жылы қытайлық ЭКСПО-да Қазақстаннан «Мибеко» ЖШС, «Алматы өнімі» ЖШС, «Восток ЭкоЛайн» ЖШС, «Өскемен май зауыты», DEP ЖШС, «Евразия ИНВЕСТ ЛТД» ЖШС, «Лепсинск Өнімдері» ЖШС, «Тек Tau» ЖШС, «көрік ШҚ» ЖШС компаниялары ұсынады», «Arnna Minerals» ЖШС, «Алель Агро» ЖШС, «Алтын Орда» ЖШС және басқалары қатысуда.
Қазақстандық кәсіпорындардың импорт көрмесіне жыл сайын қатысуын ҚР Сауда және интеграция министрлігінің қолдауымен QazTrade сауда саясатын дамыту орталығы және Қазақстандағы ҚХР елшілігі қамтамасыз етеді.
Импорттық ЭКСПО алаңында қатысушы компаниялар экономиканың түрлі салаларындағы жетістіктерін көрсетіп қана қоймай, өзекті мәселелерді талқылауға мүмкіндік алады.
Шанхайдағы CIIE көрмесіне қатысушылардың бірі Mareven Food Tian-Shan LLP болды. Кәсіпорын жылына 47 мың тоннадан астам дайын өнім шығарады, оның ішінде тез дайындалатын кеспе, макарон, картоп пюресі, дәмдеуіштер, сусындар мен тағамдар бар.
Компания өкілі Мирас Килыбаевтың айтуынша, жергілікті брендтердің отандық азық-түлік өнімдері Қазақстанда сатылады және Орталық Азия елдеріне экспортқа жіберіледі. Сонымен қатар, Қытай нарығы кәсіпорын үшін стратегиялық қызығушылық тудыруда.
«Біз осындай ауқымды шараға қатысқанымызға қуаныштымыз. Бізде Қытаймен сауда қатынастарын табысты дамыту үшін барлық ресурстар бар: қысқа логистикалық тірек, жоғары сапалы өнімдердің лайықты ассортименті және инфрақұрылымға инвестиция салуға дайындық», - деді ол.
«Еуразия Инвест» ЖШС өз өнімдерін көрмеге алтыншы жыл қатарынан қойып келеді. Құрғақ түйе және бие сүтін өндіретін компанияның бас директоры Қайыржан Мейрамбековтың айтуынша, ЭКСПО арқасында Қытайда тұрақты серіктестер табылды.
«Түйе сүті Saubota және Qazbota брендтерімен Қытайда сәтті сатылуда. Қытайлық тұтынушы өнім сапасына жоғары талаптар қояды. Неміс кептіру технологиясы бізге сүттің барлық пайдалы қасиеттерін сақтауға және өнімнің сапасын қамтамасыз етуге мүмкіндік береді», - деді Қайыржан Мейрамбеков.
Қытайдың халықаралық импорт көрмесі 10 қарашаға дейін жалғасады. Биыл оған қатысушы елдердің, өңірлердің және халықаралық ұйымдардың саны рекордтық көрсеткішке жетпек – 154 болады.
Қазақстан Қытай ЭКСПО-на оның 2018 жылғы жұмыс істей бастаған сәтінен бастап белсенді қатысуда. Бес жыл ішінде Көрме алаңында қазақстандық компаниялар 250 млн доллардан асатын сомаға экспорттық келісімшарттар жасасты.
- 06.11.2023
- 167
