Парламенттік сайлаудағы ТүркПА байқаушыларымен кездесу

Нұр-Сұлтан, 2021 жылдың 8 қаңтары - Қазақстан СІМ Мәжіліс сайлауындағы ТүркПА байқаушыларын қабылдады. Қазақстан Республикасы Сыртқы істер министрінің Бірінші орынбасары Шахрат Нұрышев ҚР Парламенті Мәжілісіне сайлауды бақылау үшін келген Түркітілдес мемлекеттердің Парламенттік ассамблеясы (ТүркПА) байқаушылар миссиясымен кездесу өткізді.

Кездесу барысында байқаушыларға сайлау науқаны және еліміздегі кейбір сайлау рәсімдері туралы ақпарат берілді. Сонымен қатар, ТүркПА өкілдерімен ұйым аясындағы ынтымақтастық мәселелері талқыланды.

ТүркПА Қазақстан Республикасының Тұңғыш Президенті – Елбасы Нұрсұлтан Назарбаевтың бастамасымен 2008 жылы 21 қарашада құрылды. Штаб-пәтері Баку қаласында орналасқан. Ұйымның мүшелері Қазақстан, Әзербайжан, Қырғызстан және Түркия.

• 19.01.2021
• 362