Активтерді қайтару тәжірибесін кеңейту қылмыстың алдын алу және оның салдарын азайту стратегиясының негізгі элементі ретінде қарастырылады

Мұндай ұсыныс Парижде өткен FATF жаһандық желісінің пленарлық апталығында айтылды.

Кірістерді жылыстатуға және терроризмді қаржыландыруға қарсы іс-қимыл саласындағы әлемдік стандарттарды әзірлеу жөніндегі үкіметаралық ұйымның мүшелері Интерполмен әріптестікте активтерді қайтару практикасын қолдануды басым міндет ретінде айқындады.

FATF алаңында онлайн ойындардың (казино және ставкалар), ойын ішіндегі валюталарды пайдалану, сондай-ақ спорттық ставкаларды манипуляциялау және виртуалды активтерді, әсіресе NFT заңсыз пайдалану мәселесіне ерекше көңіл бөлді.

Мұндай активтер қылмыстық кірістерді жасырудың кең таралған тәсілі болып табылады, дейді сарапшылар.

Осы көрсеткіштер негізінде мониторингке Қазақстанды қоса алғанда, 20-дан астам ел алынды.

Бұл еліміздің құзыретті органдарынан Қазақстан Республикасында виртуалды активтерді қылмыстық мақсаттарда пайдалануға жол бермеу мақсатында оларды реттеудің тиімділігін арттыруды талап етеді.

FATF террористік мақсатта қаражат жинау үшін әлеуметтік желі платформалары мен краудфандингті пайдалану тәсілдері зерттелген есеп бойынша жұмысын аяқтады.

Анықтама: Краудфандинг-жобаларды, бастамаларды және стартаптарды қаржыландыру үшін пайдаланылатын қаражат жинаудың инновациялық тәсілі, бірақ ол заңсыз мақсаттарда қолданылуы мүмкін.

Эгмонт тобының, Интерполдың, Еурополдың, МАНИВЭЛ-дың, Сингапурдың, Гонконгтың, Үндістанның және Еуропаның бірқатар елдерінің киберкеңістіктегі алаяқтық фактілеріне жедел әрекет ету тәжірибесі қатысушылардың қызығушылық тудырды.

Шара барысында FATF бенефициарлық иелену және құқықтық тетіктердің ашықтығы, сондай-ақ ҮЕҰ-мен өзара іс-қимыл жөніндегі жекелеген ұсынымдары мен әдістемелерінің жаңартылған нұсқалары бекітілді.

FATF пленарлық отырысының қорытынды шешімдерін ескере отырып, Қаржылық мониторинг агенттігі мүдделі органдармен бірлесіп осы новеллаларды Қазақстанның құқық қолдану практикасына имплементациялау бойынша заңнамалық және ұйымдастырушылық шаралар қабылдауды қамтамасыз етуді жоспарлап отыр .

• 07.11.2023
• 188