Шанхай Ынтымақтастық Ұйымына мүше мемлекеттердің бас прокурорларының отырысына қатысу туралы

Бүгін ҚХР, Сиань қаласында Шанхай Ынтымақтастық Ұйымына мүше мемлекеттер бас прокурорларының 21-ші отырысына қатыстым.

Онда мемлекеттік жаңғырту, өңірлік қауіпсіздік, ұйымдасқан қылмысқа қарсы күрес және прокурорлардың біліктілігін арттыру мәселелері талқыланды.

Өз баяндамам аясында Қазақстанда прокурорлық қадағалауды дамыту мәселелеріне тоқталдым. 

Сондай-ақ, Қазақстан мен Қытай прокуратура органдарының екі мемлекет көшбасшыларының арасындағы қарым-қатынасты үндестіре отырып, ынтымақтастықтың артып келе жатқанын атап өттім.

Отырыс қорытындысы бойынша одан әрі ынтымақтастықтың басым бағыттары мен тетіктерін айқындайтын хаттамаға қол қойылды.

Сондай-ақ, ШЫҰ алаңында ҚХР Жоғарғы Халық прокуратурасының Бас прокуроры Ин Юнмен екіжақты кездесу өткіздім және онда қылмыстық істер бойынша өзара құқықтық көмек көрсетудің, сотталғандарды берудің, сондай-ақ заңсыз шығарылған активтерді қайтарудың өзекті мәселелерін талқыладық.

• 08.11.2023
• 249