АҚШ елшісімен кездестім

Қазақстан Республикасындағы АҚШ-тың Төтенше және Өкілетті Елшісі Дэниел Натан Розенблум бастаған делегациямен кездесіп, бірқатар өңіріміз үшін маңызды мәселелерді талқыладық. Оның ішінде, экономикалық өркендеу, жасыл энергетика мүмкіндіктері, өңірдің әлеуметтік-экономикалық әлеуеті, білім беру, ауыл шаруашылығы бағытын дамыту мен қолдауға байланысты мәселелерге тоқталып, білім беру саласы бойынша  ынтымақтастықты дамытудың мүмкіндіктері туралы жан-жақты сараладық.
Түркістан өңірі – еліміздің қарқынды дамып келе жатқан өңірлердің бірі және орасан зор инвестициялық және туристік әлеуетке ие. Біздің өңірде өңдеу өнеркәсібі саласын дамытуға мүмкіндік бар. Түркістан облысы – климаттық жағдайына байланысты республикадағы мақта егетін жалғыз аймақ. Бүгінгі таңда өңірде жеміс-көкөніс, бақша дақылдары мен ет-сүт өнімдерін терең өңдеу басым бағытқа ие. Ауыл шаруашылығы саласын дамыту, туризм мен білім саласына қатысты жаңа жобалаларды бастаймыз. Техникалық бағытта ІТ саласында бет бұруға күш салынған. Сондықтан жетекші шетелдік жоғары оқу орнының кампустарын ашу жоспарлануда.
Дэниел Розенблюм өңірдегі мұқтаж отбасылардан шыққан балалардың ағылшын тілін тегін үйретуге, одан бөлек фермерлерді саланы дамытудың қыр-сырын үйретуге арналған жобалар бар екендігін атап өтті.
Екі ел арасындағы ынтымақтастықтың барлық бағыт бойынша өзара тиімді байланыстарды жандандыруға дайынбыз.

• 09.11.2023
• 247