С. Жақыпова Glovo компаниясының бас директорымен ынтымақтастық мәселелерін талқылады

ҚР Еңбек және халықты әлеуметтік қорғау министрі Светлана Жақыпова Glovo компаниясының негізін қалаушы және бас директоры Оскар Пьермен кездесті. Кездесу барысында Glovo платформасында курьерлік жеткізу қызметтерін көрсететін Қазақстан азаматтарын әлеуметтік қорғау мәселелері талқыланды.

Светлана Жақыпова Оскар Пьерді платформалық жұмыспен қамтуды заңнамалық реттеу бойынша жүргізіліп жатқан жұмыстармен, оның ішінде интернет-платформаларды пайдалана отырып қызмет көрсететін тұлғаларды салықтық әкімшілендірудің өзге тәртібін қолдану жөніндегі пилоттық жобаны іске асыру барысымен таныстырды, пилоттық жоба Қаржы министрлігінің Мемлекеттік кірістер комитетімен бірлесіп жүргізілуде.

Glovo компаниясының өкілдері пилоттық жобаға қатысуға және тиісті келісім жасасуға дайын екендерін білдірді.

• 23.11.2023
• 208