С. Жақыпова азаматтарды қабылдады

Еңбек және халықты әлеуметтік қорғау министрі Светлана Жақыпова Азаматтарды қабылдау орталығында жеке қабылдау өткізіп, еліміздің әр өңірінен келген 15 адамның мәселелерін қарады.

Қазақстандықтар министрге азаматтарды әлеуметтік қорғау, еңбек құқықтарын сақтау, мүгедектік тобын қайта қарау және зейнетақыны қайта есептеуге қатысты мәселелер мен ұсыныстар бойынша, сонымен бірге жұмысқа орналасуға жәрдемдесу сияқты өтініштермен жүгінді.

Светлана Жақыпова азаматтардың өтініштері мен ұсыныстарын тыңдап, олардың сауалдарына жан-жақты жауап берді. Қарауға қосымша уақытты талап ететін мәселелерді өзінің жеке бақылауына алып, ҚР ЕХӘҚМ тиісті департаменттеріне қолданыстағы заңнамаға сәйкес өз құзыреті шеңберінде оларды шешуге көмек көрсетуді тапсырды.

• 28.11.2023
• 144