БҚДА ҚЫЗМЕТКЕРЛЕРІ ҚАЗАН ҚАЛАСЫНДА: ХАЛЫҚАРАЛЫҚ ОҚУ МЕН КӘСІБИ ӨСУ ЖОЛЫНДА

Қазақстан Республикасы Бәсекелестікті қорғау және дамыту агенттігінің қызметкерлері Ресей Федерациясының Федералды монополияға қарсы қызметінің оқу әдістемелік орталығы өткізген жыл сайынғы оқытуға қатысты. Биыл Қазан қаласында өткен іс-шара «Бәсекелестік әкімшілендіру шебері» қосымша дайындықтың бағдарламасын қамтыды.

Оқыту аясында байланыс басқармасының басшысы Р.Ф. Ғабдулжапаров және әлеуметтік сала департаментінің бас маманы С. В. Карпова тәжірибелі бизнес-кеңесшілер, жаттықтырушы мен оқытушылар ұсынған шеберлік сыныптары мен тренингтерге қатысты. Монополияға қарсы заңнамаға арналған бағалау шаралары да бағдарламаның маңызды бөлігін құрады.

Оқыту бағдарламасы монополияға қарсы реттеу жүйесін дамыту, әртүрлі нарықтардағы реттеу, жосықсыз бәсекелестікке қарсы күрес, тауар нарықтарындағы бәсекелестіктің жай-күйін талдау, билік органдарының әрекеттерін (әрекетсіздігін) монополияға қарсы бақылау, тиімді коммуникациялар құру, халықаралық ынтымақтастық және т.б. сияқты тақырыптардың кең ауқымын қамтыды.

Биылғы жылы ТМД-ға мүше мемлекеттердің - Әзірбайжан, Армения, Тәжікстан, Өзбекстан және Беларусь монополияға қарсы органдарының өкілдері де оқуға ат салысты.

Үш күндік қарқынды дайындық аяқталғаннан кейін Р.Ф. Ғабдулжапаров пен С. В. Карпова дипломдармен марапатталып сіңірген білімдерінің Агенттіктің одан әрі тиімді жұмысы үшін маңызды деді. Сондай-ақ олар оқыту барысындағы білім мен дағдылар Агенттік қызметінің тәжірибесіне белсенді түрде енгізіліп, оның кәсіби өсуіне және халықаралық байланыстардың дамуына ықпал ететінін атап өтті.

• 01.12.2023
• 230