ЖҰМЫС ТОБЫ БҚДА ЖАНЫНДАҒЫ ҚОҒАМДЫҚ КЕҢЕСТІҢ ЖАҢА ҚҰРАМЫН ЖАСАҚТАДЫ

Қазақстанның орталық мемлекеттік органдарының Қоғамдық кеңестерін реттейтін нормативтік-құқықтық актілерге сәйкес, ҚР Бәсекелестікті қорғау және дамыту агенттігінің (бұдан әрі – БҚДА) Қоғамдық кеңесін (бұдан әрі – Қоғамдық кеңес) қалыптастыру жөніндегі жұмыс тобы БҚДА жанындағы Қоғамдық кеңестің құрамын жасақтағанын хабарлайды. Сондай-ақ Қоғамдық кеңес құрамындағы мүшесі  шыққан жағдайда Қоғамдық кеңестің кандидаттарынан құралған резервтік тізім де жасақталды.

Конкурстық рәсімдер БҚДА Қоғамдық кеңесінің бірінші құрамының өкілеттігінің аяқталуына дейін екі ай қалғанда (2023 жылдың 8 желтоқсанында) өткізілді. Бірінші құрамдағы кеңес мүшелері конкурсқа Қоғамдық кеңестер туралы ҚР Заңының 10-бабында көзделген жалпы негізде қатысты.

Жаңа кеңес құрамында коммерциялық емес ұйым мен азаматтық қоғамның  өкілдері бар.

Сайланған кеңестің өкілеттік мерзімі - үш жыл. Кеңестің өкілеттіктерінің тізбесі, оның мүшелерінің құқықтары мен міндеттері Қазақстан Республикасының «Қоғамдық кеңестер туралы» және «Қоғамдық бақылау туралы» Заңдарымен регламенттеледі және өтеусіз жүзеге асырылады.

• 01.12.2023
• 179