5 желтоқсан "Халықаралық" волонтер күні

Осы күнді енгізу арқылы БҰҰ бүкіл әлемге еріктілердің өмірдің барлық салаларына қосқан қомақты үлесі туралы білуі керек екенін еске салды.

Қаржылық мониторинг агенттігі "ЖасҰлан", "EkoAlem", "Alayaq" сияқты қоғамдық ұйымдармен белсенді ынтымақтасуда.

Сонымен қатар, Түркістан облысында Экономикалық тергеп-тексеру қызметінің волонтерлар қозғалысы қарқынды дамуда.

Жақында жас энтузиастар белсенді азаматтарды, қоғамдық бірлестіктерді, жеке және квазимемлекеттік сектор субъектілерін, сондай-ақ басқа да ұйымдарды халықтың қаржылық сауаттылығын арттыруға, жастар арасында лудоманияға қарсы иммунитетті дамытуға, қаржы пирамидаларына, бюджет қаражатын жымқыруға қарсы іс-қимыл бойынша алдын алу жұмыстарын жүргізуге бағытталған іс-шараларға тарту болып табылатын жаңа қозғалысты бастады.

Волонтерлармен ынтымақтастықтың оң тәжірибесін бүкіл елге тарату жоспарлануда.

Бұл күні Қаржылық мониторинг агенттігі экономикалық құқық бұзушылықтарға қарсы іс-қимыл саласындағы белсенді ұстанымы үшін қоғамдық құндылықтар мен азаматтық жауапкершілікті насихаттау жолына түскендердің барлығына алғысын білдіреді.

Анықтама: Бұл мерекенің толық атауы - Экономикалық және әлеуметтік дамуға бағытталған халықаралық волонтерлар күні. Оны БҰҰ Бас Ассамблеясы 1985 жылы ұсынды. Содан бері мереке өзінің ресми атауы мен мәртебесіне ие болды.

• 05.12.2023
• 215