Прокуратура күніне орай салтанатты жиын өтті

Бүгін Бас прокуратурада Қазақстан Республикасының прокуратура күнін мерекелеуге арналған салтанатты жиын өтті.

Бірінші кезекте заңдылық пен әділдікті қорғаған прокуратура органдарының ардагерлеріне алғысымды  білдірдім.

Мемлекет басшысының бастамасы бойынша елде жүргізіліп жатқан ауқымды реформаларға, оның ішінде құқық қорғау тетіктерін нығайту, қоғамдағы құқықтық мәдениетті арттыру және кез келген құқық бұзушылықтарға мүлдем төзбеушілік қағидатын сақтауға тоқталдым.

Прокурорлық қадағалау мемлекет пен қоғам өмірінің барлық бағыттарын қамтиды. Күн сайын тексерулер жүргізіледі, заңнама нормаларын сақтау бойынша  мемлекеттік органдардың актілеріне талдау жасалады. Бұзушылықтар анықталған кезде оларды жою және азаматтардың бұзылған құқықтарын қалпына келтіру бойынша шаралар қабылданады.

Іс-шара қорытындысы бойынша әріптестерге әрбір қызметкер көрсететін қызметтік борышына адалдығы үшін алғысымды білдірдім.

Қоғамның түрлі салаларында азаматтардың құқықтарының кепілдіктерін одан әрі нығайтудың маңыздылығын атап өтіп, ел басшылығының прокуратура органдарының алдына қойған мақсаттары мен міндеттеріне табысты қол жеткізуіне сенім білдірдім.

• 06.12.2023
• 177