ЕУРОБАК өкілдерімен «Қаржы секторындағы ESG-реттеуші» тақырыбына сараптамалық талқылауға қатысты

4 желтоқсанда Алматы қаласында Қазақстанның Еуропалық Бизнес-Қауымдастығының өкілдерімен қаржы секторындағы ESG-реттеуді дамыту тақырыбына сараптамалық талқылау өткізілді. Қатысушылар экологиялық, әлеуметтік және корпоративтік жауапкершілікпен байланысты үрдістердің күшеюін атап өтті. Бұл үрдістер жаһандық қаржы нарығындағы инвестициялық стратегияларды, шешімдерді және практикаларды айқындауда негізгі факторға айналды. Сонымен бірге, орнықты қаржыландыру құралдарын дамыту үшін қор нарығының инфрақұрылымын жетілдіру жөніндегі жұмыс жүргізілді. Нәтижесі ретінде, 2023 жылғы 1 қарашадағы жағдай бойынша KASE-дің ESG алаңында көлемі 208 млрд теңге болатын облигациялардың шамамен 16 шығарылымы тіркелді. ESG ақпаратты жария ететін компаниялардың саны ықтимал 155-тен 79-ға жетті. ESG стандарттарын қаржы нарығын реттеуге енгізу саласындағы Халықаралық қаржы корпорациясымен (IFC) және Еуропа Қайта Құру және Даму Банкімен (ЕҚДБ) ынтымақтастық туралы келісімнің шеңберінде ESG өлшемшарттары бойынша қаржылық емес ақпаратты жария ету саласындағы негізгі стандарттарды енгізу, сондай-ақ ESG тәуекелдерін бағалау және басқару бойынша нақты жоспарлар айқындалды. Ағымдағы жылғы сәуірде Агенттік қаржы ұйымдарының ESG ақпаратты жария ету жөніндегі ұсынымдарды бекітті, олар 2024 жылдан бастап міндетті болады. Қазақстанда құқықтық жағдайлардың жасалуы және ESG қағидаттарын енгізу бойынша қабылданып жатқан шаралардың арқасында орнықты қаржыландыру көлемдерінің оң серпіні байқалды. 2021 жылдан бастап «жасыл» кредиттер көлемі 62,1 млрд теңгеден 220,1 млрд теңгеге дейін ұлғайды. Қаржы ұйымдарына ESG қағидаттарын енгізу бойынша бұдан кейінгі шаралар қаржы ұйымдарының саясаттары мен стратегияларын, сондай-ақ есептілік пен мониторинг стандарттарын, метрикаларын, жүйелерін әзірлеуге бағытталатын болады. Бұл ретте қаржы ұйымдары қызметкерлердің сараптамалық әлеуетін арттыруы қажет.

• 07.12.2023
• 247