Қазақстан делегациясы Қытайдағы (Санья) ЕАТ 39-шы Пленарлық апталығы аясында өткен қаржылық технологиялар және виртуалды активтердің айналымы бойынша семинарға қатысты.

Қатысушы елдер қылмыстық жолмен алынған кірістерді жылыстату және терроризмді қаржыландыру саласындағы жаңа қауіптерге барабар әрекет ету үшін жоғары технологияларды, оның ішінде жасанды интеллектті пайдалану тәжірибесімен бөлісті. Виртуалды активтердің айтарлықтай санының пайда болуы, олардың орталықсыздандырылуы және иелерінің анонимділігі қылмыскерлердің қылмыс жасау және заңсыз кірістерді жылыстату үшін криптовалютаны белсенді пайдалануына ықпал етеді. Бұл ұлттық қаржы және құқық қорғау жүйелері үшін жаңа міндеттер тудырады. Семинарда криптовалюталарды бақылау және оларды қылмыстық мақсатта пайдалануға қарсы іс-қимыл тәжірибесі ұсынылды.

Қазақстандық тәжірибені ҚМА Департамент басшысы Руслан Остроумов таныстырды. Ол цифрлық активтердің айналымын заңнамалық реттеу және олардың заңсыз айналымымен күресу бойынша қабылданған шаралар туралы айтты. Осылайша, биыл елде 980 заңсыз криптовалюта алмасу платформасы бұғатталды. Құны $36,7 млн құрайтын заңсыз айырбастау операциялары мен қылмыстық жолмен алынған кірістерді жылыстату бойынша тоғыз тергеу басталды. Алдын алу шаралары жүргізілуде.

Жалпы, семинарды ұйымдастырушылар мен қатысушылар Қазақстанның осы бағытта атқарып жатқан шараларына оң баға берді.

• 07.12.2023
• 216