МОНОПОЛИЯҒА ҚАРСЫ ІСТЕР БОЙЫНША ТҰТЫНУШЫЛАРДЫҢ ШЫҒЫНДАРЫН ӨТЕУ МӘСЕЛЕСІ

Азаматтар мен БАҚ-тың келіп түскен өтініштеріне байланысты Бәсекелестікті қорғау және дамыту агенттігі монополияға қарсы істер бойынша тұтынушыларға шығындарды өтеудің мынадай тәртібі туралы хабарлайды.

Нарық субъектісін монополияға қарсы заңнаманы бұзғаны үшін әкімшілік жауаптылыққа тарту туралы соттың күшіне енген шешімдерінің негізінде тұтынушылар осындай бұзушылықпен келтірілген залалдарды өтеу туралы талап-арызбен сотқа дербес жүгінуге құқылы.

Монополияға қарсы заңнаманы бұзудың анықталған фактілері туралы ақпарат Агенттіктің сайтында Баспасөз орталығы бөлімінде тұрақты орналастырылады https://www.gov.kz/memleket/entities/zk/press?lang=ru.

Тұтынушыларға қандай жағдайларда залал өтелетінін анықтау керек соттардың шешімдерімен сот кабинетінің сайтында танысуға болады https://office.sud.kz/index.xhtml.

Дау нысанасы мен талаптары біртектес болған жағдайда сот Азаматтық іс жүргізу кодексінің 33-бабына сәйкес бір сот ісін жүргізу шеңберінде бірнеше талап-арыздарды қарауды біріктіре алады.

Сонымен қатар, көптеген адамдарға келтірілген залалды өтеу тетігін жетілдіру мақсатында монополияға қарсы орган ұжымдық талап қою институтын енгізуді көздейтін заң жобасын әзірледі.

Заң жобасы жария талқылаудан өтіп, ашық нормативтік құқықтық актілер порталында мына сілтеме бойынша орналастырылған: https://legalacts.egov.kz/arm/admin/viewcard?id=14827026.

• 08.12.2023
• 252