Қоршаған ортаның жай-күйі және Қазақстан Республикасының табиғи ресурстарын пайдалану туралы 2022 жылғы Ұлттық баяндама жарияланды

Қазақстан Республикасының Экология және табиғи ресурстар министрлігінің ресми интернет ресурсында http://ecogeo.gov.kz/ru және Бірыңғай экологиялық Интернет ресурста http://ecogosfond.kz 2022 жылға арналған Қоршаған ортаның жай-күйі туралы және Қазақстан Республикасының табиғи ресурстарын пайдалану туралы ұлттық баяндаманың (бұдан әрі – Ұлттық баяндама) қазақ және орыс тілдеріндегі электронды нұсқасы жарияланды.

Ұлттық баяндаманы ҚР Экология және табиғи ресурстар министрлігі Қазақстан Республикасы Экологиялық Кодексінің 23-бабының негізінде өңірлердегі және тұтастай елдегі нақты экологиялық жағдай және оны жақсарту бойынша қабылданатын шаралар туралы халықты хабардар ету мақсатында дайындалды.

Ұлттық баяндамада ұсынылған ақпарат Қазақстан Республикасының мемлекеттік және жергілікті атқарушы органдары ұсынған ресми материалдарға, сондай-ақ Қазақстан Республикасы Стратегиялық жоспарлау және реформалар агенттігінің Ұлттық статистика бюросының деректеріне негізделеді.

Ұлттық баяндама үшін материалдарды жүйелеу мен өңдеуді ҚР ЭТРМ «Қоршаған ортаны қорғаудың ақпараттық-талдау орталығы» ШЖҚ РМК орындады.

ҚР Экология және табиғи ресурстар министрлігі орталық мемлекеттік және жергілікті атқарушы органдарға, халықаралық және үкіметтік емес ұйымдарға, «Қазгидромет» РМК-ға, сондай-ақ Қазақстан Республикасы Стратегиялық жоспарлау және реформалар агенттігінің Ұлттық статистика бюросына Ұлттық баяндамамен жұмыс істеу процесінде ұсынылған материалдар мен консультациялар үшін алғысын білдіреді және одан әрі нәтижелі серіктестікке үміттенеді.

Ұлттық баяндаманың қағаз нұсқасымен Мемлекеттік экологиялық ақпарат қорынан танысуға болады.

• 12.12.2023
• 204