БЯЗИ ғылыми қызметкерлерінің қатысуымен ғылыми семинар өтті

Бүгін Институтта жалпы институттық ғылыми семинар өтті. Бұл семинар аралас форматта (offline/online) өтіп, оған ЯФИ мен БЯЗИ (Дубна, Ресей) ғылыми қызметкерлері қатысты.

Семинарда Біріккен ядролық зерттеулер институтының жоғары энергетикалық физика зертханасының аға ғылыми қызметкерлері Пацюк Мария мен Апарин Алексейдің баяндамалары тыңдалды. БЯЗИ қызметкерлері STAR және SRC экспериментіндегі ғылыми топтың нәтижелерімен бөлісті.

Апарин Алексей өзінің баяндамасында Институт қызметкерлеріне Букхевен ұлттық зертханасында (АҚШ) орналасқан поляризацияланған протондар мен ауыр иондар RHIC коллайдеріндегі екі негізгі эксперименттің бірі-STAR экспериментінің жаңа нәтижелерін ұсынды. Ядролар мен протондарды дәл зерттеуге жаңа мүмкіндіктер беретін, сондай-ақ үлкен деректерді талдау әдістерін және машиналық оқыту мен жасанды интеллектке негізделген заманауи тәсілдерді пайдалана отырып, жаңа үдеткіш және детекторлық технологияларды әзірлеуді қамтамасыз ететін жаңа EIC эксперименттік кешенімен таныстырды.

Пацюк Мария «Нуклотрон нысанасындағы SCR эксперименті және eic-те зарядталған бөлшектерді анықтауға арналған DIRC детекторы» атты баяндама жасады. PID саласындағы озық технология және dirc детекторларының эволюциясы туралы егжей-тегжейлі айтып берді. Экспериментте команданың ғылыми нәтижелерімен бөлісті.

• 14.12.2023
• 229