Көмір бойынша биржалық сауда мәселелері жөніндегі Үйлестіру кеңесінің кезекті отырысы өткізілді

15 желтоқсанда ҚР Сауда және интеграция министрлігінң алаңында Үйлестіру кеңесінің отырысы өтті.

Осы отырыста 3 тауар биржасының («Каспий» тауар биржасы» АҚ, «Еуразиялық сауда жүйесі» тауар биржасы» АҚ, «Modern trading Solutions» халықаралық әмбебап тауар биржасы» АҚ) іскерлік ойындары өткізілді.

Іскерлік ойындарда алты сатушының («Каражыра» АҚ, «Майкубен-Вест» ЖШС, «Разрез «Кузнецкий» ЖШС, «Горнорудная компания «SatKomir» АҚ, «Шубарколь комир» АҚ, «Шубарколь Премиум» АҚ) коммунальдық-тұрмыстық көмір сауда-саттығы модельденген.

Аймақтық операторлар аймақтық қажеттілікке байланысты аймақтық негізде іскерлік ойындарға қатысты.

Отырысқа жергілікт атқарушы органдардың, мемлекеттік органдардың және жеке кәсіпкерлік субъектілерінің (аймақтық операторлар және көмірмен айналысушы компаниялар және тауар биржалары) өкілдері қатысты.

​Үйлестіру кеңесінің қорытындысы бойынша мүшелік жарналар мен биржалық комиссияның ең жоғары мөлшерін белгілеу, әрбір аймақ үшін коммуналдық-тұрмыстық көмірдің сауда құралдарын бекіту, 2024 жылға арналған көмірдің жылдық қажеттілігін айлар бойынша бөле отырып қалыптастыру және басқа да ұсынымдар шығарылды.

​ҚР Сауда және интеграция министрлігінің 2023 жылғы 6 желтоқсандағы № 420-НҚ бұйрығымен көмір секциясындағы Биржалық сауда қағидасына тек аймақтық операторларға көмірді өткізу бөлігінде, аймақтық қажеттілікті бірдей қанағаттандыру мақсатында әр облыс бөлінісінде өзгерістер енгізілген естеріңізге саламыз.

​Қағида 2023 жылдың 22 желтоқсанынан бастап қолданысқа енгізіледі.

Бағаның күрт өсуіне жол бермеу мақсатында көмір нарығында баға белгілеудің ашықтығын қамтамасыз ету үшін сатушылар коммуналдық-тұрмыстық көмірді тауар биржасы арқылы өткізуді мынадай тәртіппен қамтамасыз ететін болады:

50% көлем спот сауда-саттығында сатылады;

50% көлем 6 айдан 12 айға дейінгі кезеңге ай сайынғы төлем және жеткізу шартымен іске асырылады.

• 20.12.2023
• 167