Көлік министрлігінде мүдделер қақтығысын реттеу мәселелері талқыланды

Қазақстан Республикасы Көлік министрлігінде ведомство қызметкерлерінің қатысуымен«Ұйымдардағы мүдделер қақтығысын реттеу» тақырыбында семинар-дәріс өтті.

Күн тәртібіне сәйкес Қазақстан Республикасы Энергетика министрінің Комплаенс бойынша сыртқы кеңесшісі, Комплаенс және іскерлік этика қауымдастығының Бақылау кеңесінің төрағасы, Халықаралық бизнес университетінің менеджмент саласындағы МВА түлегі Дәурен Ақшалов баяндама жасады.

Семинар барысында «мүдделер қақтығысы» әңгіме арқауына айналды. Сондай-ақ нақты мысалдар арқылы мүдделер қақтығысының типтік жағдайлары, оларды шешу жолдары, алдын алу шаралары және уақтылы реттеу мәселелері қарастырылды.

Іс-шараның қорытындысы бойынша министрлік қызметкерлерінің қойған сұрақтарына толыққанды жауаптар қайтарылып, қызу пікірталас орын алды.

• 21.12.2023
• 195