Прокуратура органдарының 2023 жылғы жұмысының қорытындысы туралы

2023 жылғы жұмыс қорытындысы бойынша Бас прокуратура алқасының кеңейтілген отырысын өткіздім.

Прокуратура органдары елдегі заңдылықты қамтамасыз ету, қылмыскерлікке қарсы іс-қимылды үйлестіру, азаптаулардың алдын алу, азаматтардың конституциялық құқықтарын сақтау, бизнес пен мемлекет мүдделерін қорғау жөнінде шаралар кешені қабылдануда.

Азаматтарды жұмысқа орналастыруға, олардың өмір сүруіне қолайлы орта мен инфрақұрылым құруға, жерді бөлуге және халықты толғандыратын басқа да өзекті тақырыптарға бағытталған бағдарламаларды орындау кезінде заңдылықты сақтау мәселелеріне ерекше назар аударылды.

Әлеуметтік-экономикалық салада прокурорлардың актілері бойынша 401 мың азаматтың, оның ішінде 85 мың кәмелетке толмағандардың конституциялық құқықтары қорғалды.

Мемлекет басшысының тапсырмасы бойынша прокурорлар мыңнан астам маңызды инвестициялық жобаларды сүйемелдейді.

Қазірдің өзінде 75 инвесторға қолдау көрсетілді.

Қылмыстық процестің заңдылығын қамтамасыз ету шеңберінде прокурорлар қылмыстық орбитаға 1,2 мыңнан астам азаматты негізсіз тартудың жолын кесті, қылмыстық қудалау органдарының қызметтік үй-жайларынан 800-ден астам адам босатылды.

Талқылау қорытындысы бойынша қадағалау жұмысының негізгі бағыттары бойынша басым міндеттер белгіленді.

Алдағы кезеңде прокурорлардың күш-жігерінің назары құқық бұзушылықтардың алдын алуға, әсіресе отбасылық-тұрмыстық салада, балалардың қауіпсіздігін қамтамасыз етуге, есірткіге, ұйымдасқан қылмысқа қарсы күреске, азаптауға, сондай-ақ экстремизм мен терроризмге қарсы тұруға бағытталатын болады.

Активтерді қайтару комитетіне елден заңсыз шығарылған капиталды анықтау және қайтару бойынша толық шаралар қабылдау туралы жеке тапсырма берілді.

• 23.12.2023
• 238