Пиротехникалық бұйымдарды пайдалану кезінде өрт қауіпсіздігі ережелерін сақтаңыздар

Өрттің шығуына, адамдардың жарақаттануына жол бермеу мақсатында ТЖМ пиротехникалық бұйымдарды пайдалану кезінде өрт қауіпсіздік қағидаларын  сақтауға кеңес береді.      

ТЖМ полициямен бірлесіп, сертификаты жоқ пиротехникалық өнімдердің өздігінен саудалану фактілерін анықтауға және жолын кесуге бағытталған пиротехникалық өнімдер айналымының белгіленген ережелерінің сақталуын қадағалау жұмыстарын бастадық.

Жыл сайын осындай рейдтер кезінде 10 мыңға жуық сертификатсыз өнім тәркіленеді.

Петарда, отшашуларды сатып алғанда ең алдымен, өнімнің сертификатталғаны туралы құжат сұраңыз және пиротехникалық заттарды пайдалану ережелерімен міндетті түрде танысыңыз.

Оның сақтау мерзіміне назар аударуды ұмытпаңыз, егер тауардың жарамдылық мерзімі өтіп кетсе, оларды ешбір жағдайда пайдалануға болмайды.

Қаптама бұзылмаған және жыртылмаған болуы керек.

Пиротехникалық заттарды ұшыру кезінде темекі шегуге қатаң тыйым салынады.

Көліктердің жанында пиротехниканы атуға болмайды. 50 метр радиуста өрт қауіпті объектілер болмауы керек.

Көрермендер фейерверктерді ұшыру алаңынан 15-20 метр қашықтықта болуы керек. Өнімді қолда ұстап атуға тыйым салынады.

Бенгал оттары (шамдары) ашық отпен бірдей болып саналы. Олар жаған кезде температурасы өте жоғары болады, сондықтан оларды жанғыш материалдардан алыс пайдалану керек.

Пиротехникалық заттардың кез келген түрі - адам денсаулығына зиян келтіруі мүмкін қауіпті өнім.

• 26.12.2023
• 217