Елбасының тапсырмасына сәйкес, 2019 жылдан басталған - жұмыс істейтін жастарға жалға берілетін тұрғын үй бағдарламасын жалғастырамыз.

Оларға Алматы ауданы, Қордай көшесі, 76-үйде пәтерлер берілді. "Қадамдық қолжетімдік" қағидатына сәйкес, үй маңында денсаулық сақтау және білім беру нысандары бар. Бұл аумақты көктемде абаттандырамыз: ағаштар отырғызып, орындықтар орнатамыз.
Пәтерлер тек 5 жылға беріледі. Осы уақыт ішінде жұмыс істейтін жастар аяққа тұрып, басқа тұрғын үй бағдарламаларына қатысу үшін қаражат жинай алады. Қаңтар-ақпан айларында 350 пәтер беру жоспарға бекітілген.
2021 жылдың соңына дейін жастарға тағы 1050 пәтер беріледі.
Мемлекет басшысының тапсырмасына сәйкес, 2020 жылы жеңілдікпен берілетін тұрғын үй көлемі 3 есеге ұлғайды. Жеңілдікпен берілетін тұрғын үй құрылысы бойынша ауқымды жұмыстарға Үй құрылыс комбинаты көмектеседі. Инновациялық технологиялар - құрылыс мерзімін қысқартуға, тұрғын үйдің өзіндік құнын төмендетуге және үйлердің сапасын арттыруға мүмкіндік береді.
Егер былтыр 7 мыңнан астам пәтер берілсе, биыл бұл көрсеткішті 10 мыңға дейін арттырамыз.

• 29.01.2021
• 254