Көлік министрлігінде жол құрылысы мердігерлеріне арналған семинар ұйымдастырылды

ҚР Көлік министрлігінің алаңында Халықаралық Қайта Құру және даму банкі, Еуропалық Қайта Құру және даму банкі, Азия Даму Банкімен бірлесіп отандық мердігерлік ұйымдар үшін «Халықаралық қаржы институттарының қаражаты есебінен іске асырылатын жобаларға қатысу» тақырыбында оқыту семинары ұйымдастырылды.
Іс-шара барысында вице-министр Сәтжан Аблалиевтің төрағалығымен мердігерлерге халықаралық автожол жобаларын іске асыру ережелері мен ерекшеліктері егжей-тегжейлі түсіндірілді. Халықаралық банк мамандары өз баяндамаларында қазақстандық салалық нормалардан ерекшеленетін тұстарға баса назар аударды.
Кездесу соңында семинарға қатысушылар мен ұйымдастырушылар болашақта осындай іс-шараларды өткізу бойынша ұсыныстарымен бөлісті. Сонымен бірге отандық кәсіпкерлердің жаңа басым жол жобаларына қатысуға мүдделілігіне үміт білдірді.

• 19.01.2024
• 216