Цифрлық технологияларды енгізу сыбайлас жемқорлық тәуекелін айтарлықтай азайтуға және адами факторды болдырмауға мүмкіндік береді.

Бүгін Сыбайлас жемқорлыққа қарсы іс-қимыл агенттігінің алқасына қатыстым. Онда 2020 жылдың қорытындылары, сыбайлас жемқорлық тәуекелін төмендету тетіктері және т. б. қаралды.
Өз тарапымыздан сыбайлас жемқорлық көріністеріне ішкі бақылауды күшейттік: жұмыс бірінші кезекте - алдын алуға, себептер мен жағдайларды жоюға бағытталуы тиіс. Сыбайлас жемқорлық тәуекелдерін төмендетуде цифрлық технологияларды енгізу маңызды рөл атқарады:
Бірінші. Білім беру, денсаулық сақтау, көлік салаларында оңтайландыру жүргізілді: мектепте тамақтандыруда мемлекеттік сатып алуды автоматтандыру, денсаулық паспорттарын 100% цифрландыру, медициналық анықтамаларды берудің заңдылығын тексеру үшін ақпараттық сервис әзірленді. Берілген анықтамаға QR-код жазылған, оны сканерлеп, түпнұсқалығын тексеруге болады.
Сондай-ақ автобустарды электрондық төлем жүйелерімен 100% жарақтандыру. Бұл ақша қаражатының 40%-ын көлеңкелі айналымнан шығаруға мүмкіндік берді. Сонымен қатар, инженерлік және қалалық желілерді және т. б. цифрлау жұмыстарын жүргіземіз.
Екінші. Әкімдікпен 159 мемлекеттік қызмет көрсетіледі, біз оларды 100% электронды форматқа көшірдік. Осылайша, адам факторы мен қатысуы толығымен алынып тасталады. Бұған "iQala" орталығы, Тұрғын үй саласындағы бірыңғай қызмет көрсету орталығы, Жанұя сияқты бірқатар нысандарымыз көмектеседі.
Үшінші. Сыбайлас жемқорлыққа қарсы іс - қимыл агенттігінің "Астана-Адалдық алаңы" бірлескен жобасы аясында барлық төрт аудан әкімдігі фронт-офис форматына көшіп, ашық әкімдік режимінде жұмыс істеп жатыр.
Осы бағыттарды одан әрі жақсартамыз.

• 29.01.2021
• 291