Түркістан облысында өндіріс орындары көбейеді

Түркістанның маңында, Сауран ауданының аумағында салынып жатқан көкөніс сақтау қоймасы мен «Brownfield» үлгісіндегі өндірістік парктің құрылыс алаңында болдым. Қазан айында құрылысы басталған нысан 2024 жылдың 2-тоқсанында аяқталмақ. 4000 тонна көкөніс сақтауға арналған қоймада түрлі көкөністер сақталып, маусымаралық кезеңде баға қолжетімділігі қамтамасыз етілмек.

Сондай-ақ Сауран ауданы, Шаға ауыл округіндегі Бершінтөбе ауылында өндірістік парк құрылысы жүріп жатыр. Өндірістік парк – өндіріс және қайта өңдеу нысандарын орналастыруға арналған толық жабдықталған, нақты белгіленген заңды құқықтары, қажетті инфрақұрылымы мен коммуникациялары бар жер учаскелері. Мұнда әртүрлі көлемдегі өндірістік компанияларды тартып, олардың өзара әрекеттесуі негізінде үйлесімді өндірістік орта құруды көздеп отырмыз. Нысанды пайдалану мақсаты – өндірістік тоңазытқыш жабдықтарын шығару, фармацевтикалық өнімдерді дайындау, жылыжай кешенінің жабдықтарын шығару цехы, жиһаз дайындау, құрастыру және жаңбырлатып суғару жабдықтарын құрастыру және өндіру. Жоба толыққанды іске асқанда 300-ден аса жаңа кәсіпорын қызметін бастайды. Нәтижесінде 1200-ден аса жаңа жұмыс орындары ашылады. Кәсіпорындар ашу, халық табысын арттыру, қолжетімді дүние ұсыну бағытындағы жұмыстар жалғасын табады.

• 23.01.2024
• 261