Түркістан облысында ауыз сумен қамту жұмысы жалғасады

Біздің алдымызда Түркістан облысын 2025 жылдың қорытындысымен ауыз сумен 100 пайыз қамту міндеті тұр. Жауапты басшылармен ауыз су тарифтерін бекіту, су үнемдеу мәдениетін қалыптастыру, барлау жұмыстарын сапалы жүргізу, жобалаушы мекемелердің жауапкершілігін арттыру жайын талқыладық. Құрылысы мерзімінен кешікккен жобаларды сараладық. Ауыз су мәселесінде кемшілікке жол берген басшылар немесе жауапты орынбасарлар лауазымдарынан босатылады. Сондықтан жұмысты ширату керек. Бюджеттен қолдау көрсетіліп жатыр. Жауаптылардан су көздерін дұрыс жобалау, жұмысты үйлестіру талап етіледі. Өңірде су көздерін іздеу-барлау жұмыстарын шұғыл түрде жүргізіп, жобалау-сметалық құжаттаманы әзірлеу қажет. Ауыз су кестемен берілетін елді мекендердің мәселесін жан-жақты пысықтап, шешу жолдарын қарастыру керек. Елді мекендерді ауыз сумен қамтамасыз ету мақсатында, биылғы жылға бекітілген көрсеткіштер толық орындалуын міндеттедім.

Түркістан облысында 70 елді мекенді ауыз сумен қамту жұмыстары басталып кетті. Биыл 47 нысанның құрылысы жүрсе, оның 37-сі жыл соңына дейін тапсырылады. Қалған нысандар келесі жылы пайдалануға беріледі деп жоспарлануда. Елді мекендерді толық ауыз сумен қамту жұмыстары жанданады.

• 23.01.2024
• 272