Түркістан облысында жаңа мектеп пен медициналық орталық ашылды

Жыл басы жақсы жаңалықтардан бастау алып жатыр. Ордабасы ауданында мектеп пен медициналық орталық пайдалануға берілді.

Түркістан облысында биыл 50-ден астам мектеп бой көтереді. Алдағы уақытта облыста бұл бағыттағы жұмыстар жүйелі жалғасады. Жекеменшік мектептер желісінің артуы – мектеп тапшылығын қысқартуға үлкен үлесін қосып келеді. Мемлекет басшысы Қасым-Жомарт Кемелұлының «Біз өскелең ұрпаққа жол ашу үшін барлық жағдайды жасауымыз керек» дей келе білім сапасын жақсарту, ұстаздар мен оқушыларға қолдау көрсетуді тапсырды. Жекеменшік секторды білім саласына инвестиция салуға шақырды. Инвесторлар қаржысымен мектеп салуда Түркістан облысы көш басында тұр. Осы тапсырманы орындау мақсатында өңірде білім саласында ауқымды жұмыстар атқарылуда. Соның бір дәлелі – бүгін Шұбарсу ауылында Әбілқайыр Оспанов атындағы жалпы орта мектептің ашылу салтанатының куәсі болып отырмыз. Баршаңызды қуанышты сәтпен  құттықтаймын. Осы мектептен  білімді, дарынды оқушылар шыға берсін!

Сонымен қатар облыс аумағында медицина саласына да үлкен көңіл бөлінуде. Мемлекет басшысының тапсырмасына сәйкес, биыл облысымызда «Ауылда денсаулық сақтауды жаңғырту» ұлттық жобасы аясында 50-ге жуық медициналық нысан ел игілігіне тапсырылады. 2023 жылы облысымызда 24 медициналық нысанның құрылысы жүргізіліп, пайдалануға берілді. Қажетті құрал-жабдықтар мен аппараттар сатып алынды. Облыстағы медициналық мекмелерге санитарлық автокөліктер үлестірілді.

Медицина саласына жеке инвесторлардың үлес қосуы да қуантады. Бүгін, міне, Ордабасы ауданындағы Шұбарсу ауылында жекеменшік медициналық мекемесі өз жұмысын бастады. Біз инвесторларға қолдау көрсетеміз. Биыл аталған жұмыстар жалғасын табады. Жекеменшік медициналық орталығының жұмысына сәттілік тілеймін. Медициналық мекеменің дәрігерлері ауыл тұрғындарына сапалы медициналық қызметтер көрсетеді деп сенемін.

• 23.01.2024
• 330