Түркістан облысында мақта-тоқыма кластері дамиды

Біз мақтаны өсіру ғана емес, оны терең өңдеу бағытына басымдық беріп отырмыз. Осы мақсатта инвесторлармен кездесіп, мақта өсіру және терең өңдеу, тоқыма фабрикасын салу мәселелерін талқыладық.

Мақта тұқымы мен сапасын жақсарту, жаңа технологияларды енгізу, мақтаны терең өңдеу, тоқыма фабрикасын салу жұмыстарын атқарғанда ғана мақта шаруашылығындағы мәселелер шешіледі. Сондықтан біз инвесторлармен әріптестік орнатуға дайынбыз. Жол картасын әзірлеп, екі тараптың міндеттемелерін енгізу керек. Инфрақұрылым және басқа түйткілдер бойынша бізден қолдау болады.

Қытайлық ірі компания өкілдері мақта алқабына тамшылатып суғару технологиясын енгізуге дайын екенін жеткізді. Сонымен бірге мақтаны терең өңдеу, мақта майын шығару құрылғыларын әкелу бойынша да жоспарын баяндады. Инвестор мақтаның ең сапалы тұқымдарын егіп, өңірде мақта зауытын салуға ниетті.

• 23.01.2024
• 295