ҚАЛА ӘКІМІ ӘЛЕУМЕТТІК МАҢЫЗЫ БАР НЫСАНДАРДЫ АРАЛАДЫ

Бүгін қала әкімі Ғабит Сыздықбеков сала басшыларымен бірге Шымкент Сити шағын ауданындағы саябақтың құрылыс жұмыстарын бақылады. Мұнда 3 аумақта саябақ салу жоспарланған. Бірінші аумақ 18 гектар, екінші 20,4 гектар, үшінші 6,9 гектарды құрайды. Қазіргі уақытта 18 гектар аумағына инженерлік инфрақұрылымдық жүйелер толық жүргізілген. Ал 20,4 гектар аумақтағы құрылыс жұмыстары жалғасуда.
Саябақты көгалдандыру алаңы – 128 036 шаршы метр, мұнда 40 балалар ойын алаңшасы, 19 спорт алаңы орналасады. Жобада 2,8 шақырымдық веложол, жүгіру жолақтары және жасанды көл салынып, 5 мыңнан аса ағаш көшеті мен 7 мыңнан аса гүл егу жоспарланған. Өндірістік кестеге сәйкес нысан биыл пайдалануға беріледі.

• 24.01.2024
• 184