Айдарбек Сапаров Франция елшісімен инвестициялық ынтымақтастық перспективаларын талқылады

Ауыл шаруашылығы министрі Айдарбек Сапаров Францияның Қазақстандағы елшісі Дидье Канеспен кездесті. Тараптар екі мемлекет арасындағы ынтымақтастықтың перспективаларын талқылады.

Кездесуде АШМ басшысы Қазақстан мен Франция ынтымақтастығы барлық негізгі бағыттар бойынша серпінді дамып келе жатқанын жеткізді. Атап айтқанда, ауыл шаруашылығы Қазақстан-Франция ынтымақтастығының маңызды бағыты болып табылады. Министр Францияда алдыңғы қатарлы аграрлық технологиялар мен бүгінде аграрлық саладағы екіжақты әріптестікті арттыру үшін айтарлықтай әлеует бар екенін атап өтті. Министрлік бірлескен жұмыс үшін бірінші кезектегі басымдықтардың бірі ретінде АӨК өнімдерінің өзара сауда көлемін арттыруды қарастырады.

Айдарбек Сапаров 2023 жылдың 11 айының қорытындысы бойынша қос мемлекет арасындағы АӨК өнімдерінің тауар айналымы 83 млн. долларды құрағанын, бұл 2022 жылмен салыстырғанда 44,2% -ға көп екенін жеткізді. АШМ басшысы республикада инвесторлар үшін көптеген мүмкіндік бар екенін айта келе,  егістік үшін 24 млн га жер пайдаланылып жатқандығын, инвесторлар үшін оның көлемін ұлғайтуға болатындығын да айтты. Қазақстан сүт, құс шаруашылығы, астық пен бидайды озық өңдеу салаларында инвесторлармен ынтымақтастыққа дайын. Қазақстандық клейковина мен крахмал Америкаға экспортталатындықтан астықты озық өңдеу саласындағы бірлескен жобалар республика үшін үлкен қызығушылық тудырады. Инвесторлар үшін тағы бір артықшылық – Қазақстан Еуразиялық экономикалық одаққа мүше болғандығы да кең мүмкіндікке жол ашады.

 Инвесторлар үшін тағы бір артықшылық Қазақстанның ауқымды мүмкіндіктері болып табылады, себебі ел Еуразиялық экономикалық одақтың мүшесі болып табылады.

Сонымен қатар, қазақстандық тарап француздық Lactalis компаниясының өндіріс көлемін кеңейту және ұлғайту мүмкіндігін қарастыруға дайын. Бұған қоса, қазіргі уақытта Ауыл шаруашылығы министрлігі Boehringer Ingelheim компаниясымен бірлесіп Қазақстанда аусылға қарсы вакцина өндірісін іске қосу бойынша жұмыс жүргізуде.

Өз тарапынан Дидье Канесс байланыстарды нығайту және бірлескен инвестициялық жобаларды іске асыру үшін сырттан кеңесші енгізуді ұсынды, бұл ретте барлық шығыстарды Франция өз мойнына алады. Сондай-ақ елші Қазақстанды мал шаруашылығы саммитіне құрметті қонақ ретінде шақырды.

Сөз соңында Айдарбек Сапаров кездесуде көтерілген мәселелер елдер арасындағы ауыл шаруашылығы саласындағы ынтымақтастықты одан әрі дамытуға ықпал ететініне сенім білдірді.

• 26.01.2024
• 235