ИНСТИТУТ ҒАЛЫМДАРЫ DUNE БІРЛЕСКЕН ЖИНАЛЫСЫНА ҚАТЫСУДА

22-26 қаңтар аралығында CERN-де (Женева) "DUNE"эксперементінің кезекті бірлескен отырысы өтуде. Институт ғалымдары аталмыш экспериментті іске асыру туралы жұмыстардың ағымдағы жағдайы және ынтымақтастық жоспарлары туралы пікірталастарға белсенді қатысуда.

Жиын барысында Институттың бас директоры Саябек Сахиев ынтымақтастықтың тең басшылары Серхио Бертолуччи (INFN) және Мэри Бишай (BNL) кездесулерін өткізді. Кездесу барысында Dune эксперименті үшін строу-детекторлар өндіретін алаң құру бойынша ИЯФ-тың ағымдағы жылға арналған алдағы жоспарлары талқыланды. Тараптар өзара іс-қимылға қанағаттанғанын және ынтымақтастық шеңберінде ғылыми байланыстарды одан әрі нығайтуға үміт білдірді.

Бұған дейін строу-трекер құрамына кіретін SAND (system for on-Axis Neutrino Detection) детекторлық жүйелерінің бірі бойынша жұмыс жиналыстарының бірінде строу-трекер жобасының жетекшісі Роберто Петти (Оңтүстік Каролина Университеті) атқарылған жұмыстар мен 2024 жылға арналған жоспарлар туралы баяндаған болатын. Ол өз баяндамасында Институт строу-түтіктерді өндіру және трекер модульдерін құрастыру бойынша негізгі орталық ретінде қарастырылатынына ерекше назар аударды. Талқылау барысында кеңеске қатысушылар 2023 жылдың қыркүйегінде ынтымақтастыққа кірген ЯФИ-да жобаны іске асыру қарқынын ерекше атап өтті.

• 29.01.2024
• 164